Book 5.847-861
Palinurus refuses, but Sleep makes him drowsy. He is cast from the ship.
Cui vix attollens Palinurus lumina fatur:
847
“Mene salis placidi voltum fluctusque quietos
848
ignorare iubes? Mene huic confidere monstro?
849
Aenean credam quid enim fallacibus auris
850
et caelo, totiens deceptus fraude sereni?”
851
Talia dicta dabat, clavumque affixus et haerens
852
nusquam amittebat, oculosque sub astra tenebat.
853
Ecce deus ramum Lethaeo rore madentem,
854
vique soporatum Stygia, super utraque quassat
855
tempora, cunctantique natantia lumina solvit.
856
Vix primos inopina quies laxaverat artus,
857
et super incumbens cum puppis parte revolsa,
858
cumque gubernaclo, liquidas proiecit in undas
859
praecipitem ac socios nequiquam saepe vocantem;
860
ipse volans tenues se sustulit ales ad auras.
861