Book 5.746-761
Aeneas makes official the decision to leave some Trojans with Acestes. He founds a new city in Sicily for them.
Extemplo socios primumque arcessit Acesten,
746
et Iovis imperium et cari praecepta parentis
747
edocet, et quae nunc animo sententia constet.
748
Haud mora consiliis, nec iussa recusat Acestes.
749
Transcribunt urbi matres, populumque volentem
750
deponunt, animos nil magnae laudis egentes.
751
Ipsi transtra novant, flammisque ambesa reponunt
752
robora navigiis, aptant remosque rudentesque,
753
exigui numero, sed bello vivida virtus.
754
Interea Aeneas urbem designat aratro
755
sortiturque domos; hoc Ilium et haec loca Troiam
756
esse iubet. Gaudet regno Troianus Acestes,
757
indicitque forum et patribus dat iura vocatis.
758
Tum vicina astris, Erycino in vertice sedes
759
fundatur Veneri Idaliae, tumuloque sacerdos
760
ac lucus late sacer additur Anchiseo.
761