Book 5.654-663
The Trojan women are uncertain what to do. Iris leaves, and the women snatch fire.
At matres primo ancipites oculisque malignis
654
ambiguae spectare rates miserum inter amorem
655
praesentis terrae fatisque vocantia regna,
656
cum dea se paribus per caelum sustulit alis,
657
ingentemque fuga secuit sub nubibus arcum.
658
Tum vero attonitae monstris actaeque furore
659
conclamant, rapiuntque focis penetralibus ignem;
660
pars spoliant aras, frondem ac virgulta facesque
661
coniciunt. Furit immissis Volcanus habenis
662
transtra per et remos et pictas abiete puppes.
663