Book 5.588-603
The maneuvers are compared to the Labyrinth in Crete, and the future tradition of the horsemanship is explained.
Ut quondam Creta fertur Labyrinthus in alta
588
parietibus textum caecis iter, ancipitemque
589
mille viis habuisse dolum, qua signa sequendi
590
frangeret indeprensus et inremeabilis error;
591
haud alio Teucrum nati vestigia cursu
592
impediunt texuntque fugas et proelia ludo,
593
delphinum similes, qui per maria umida nando
594
Carpathium Libycumque secant, [luduntque per undas.]
595
Hunc morem cursus atque haec certamina primus
596
Ascanius, Longam muris cum cingeret Albam,
597
rettulit, et priscos docuit celebrare Latinos,
598
quo puer ipse modo, secum quo Troia pubes;
599
Albani docuere suos; hinc maxima porro
600
accepit Roma, et patrium servavit honorem;
601
Troiaque nunc pueri, Troianum dicitur agmen.
602
Hac celebrata tenus sancto certamina patri.
603