Book 5.437-449
Both Dares and Entellus try to hit each other with well placed attacks. Entellus misses Dares and tumbles to the ground.
Stat gravis Entellus nisuque immotus eodem,
437
corpore tela modo atque oculis vigilantibus exit.
438
Ille, velut celsam oppugnat qui molibus urbem,
439
aut montana sedet circum castella sub armis,
440
nunc hos, nunc illos aditus, omnemque pererrat
441
arte locum, et variis adsultibus inritus urguet.
442
Ostendit dextram insurgens Entellus, et alte
443
extulit: ille ictum venientem a vertice velox
444
praevidit, celerique elapsus corpore cessit.
445
Entellus vires in ventum effudit, et ultro
446
ipse gravis graviterque ad terram pondere vasto
447
concidit, ut quondam cava concidit aut Erymantho,
448
aut Ida in magna, radicibus eruta pinus.
449