Book 5.409-423
Entellus describes his famous boxing gloves. He proposes that he and Dares fight without gloves.
Tum senior talis referebat pectore voces:
409
“Quid, si quis caestus ipsius et Herculis arma
410
vidisset, tristemque hoc ipso in litore pugnam?
411
Haec germanus Eryx quondam tuus arma gerebat;
412
sanguine cernis adhuc sparsoque infecta cerebro;
413
his magnum Alciden contra stetit; his ego suetus,
414
dum melior vires sanguis dabat, aemula necdum
415
temporibus geminis canebat sparsa senectus.
416
Sed si nostra Dares haec Troius arma recusat,
417
idque pio sedet Aeneae, probat auctor Acestes,
418
aequemus pugnas. Erycis tibi terga remitto;
419
solve metus; et tu Troianos exue caestus.”
420
Haec fatus, duplicem ex umeris reiecit amictum
421
et magnos membrorum artus, magna ossa lacertosque
422
exuit, atque ingens media consistit harena.
423