Book 5.327-339
Misfortune happens to Nisus, and Salius also falls. Euryalus wins the race.
Iamque fere spatio extremo fessique sub ipsam
327
finem adventabant, levi cum sanguine Nisus
328
labitur infelix, caesis ut forte iuvencis
329
fusus humum viridisque super madefecerat herbas.
330
Hic iuvenis iam victor ovans vestigia presso
331
haud tenuit titubata solo, sed pronus in ipso
332
concidit immundoque fimo sacroque cruore.
333
Non tamen Euryali, non ille oblitus amorum;
334
nam sese opposuit Salio per lubrica surgens;
335
ille autem spissa iacuit revolutus harena.
336
Emicat Euryalus, et munere victor amici
337
prima tenet, plausuque volat fremituque secundo.
338
Post Helymus subit, et nunc tertia palma Diores.
339