Book 4.68-79
Dido burns for Aeneas, and is compared to a deer, struck by an arrow. She shows Aeneas Carthage.
Uritur infelix Dido, totaque vagatur
68
urbe furens, qualis coniecta cerva sagitta,
69
quam procul incautam nemora inter Cresia fixit
70
pastor agens telis, liquitque volatile ferrum
71
nescius; illa fuga silvas saltusque peragrat
72
Dictaeos; haeret lateri letalis harundo.
73
Nunc media Aenean secum per moenia ducit,
74
Sidoniasque ostentat opes urbemque paratam;
75
incipit effari, mediaque in voce resistit;
76
nunc eadem labente die convivia quaerit,
77
Iliacosque iterum demens audire labores
78
exposcit, pendetque iterum narrantis ab ore.
79