Book 4.560-570
Mercury reproaches Aeneas again, and warns him that Dido is preparing to attack the Trojan fleet if he does not leave immediately.
“Nate dea, potes hoc sub casu ducere somnos,
560
nec, quae te circum stent deinde pericula, cernis,
561
demens, nec Zephyros audis spirare secundos?
562
Illa dolos dirumque nefas in pectore versat,
563
certa mori, varioque irarum concitat aestu.
564
Non fugis hinc praeceps, dum praecipitare potestas?
565
Iam mare turbari trabibus, saevasque videbis
566
conlucere faces, iam fervere litora flammis,
567
si te his attigerit terris Aurora morantem.
568
Heia age, rumpe moras. Varium et mutabile semper
569
femina.” Sic fatus, nocti se immiscuit atrae.
570