Book 4.252-264
Mercury arrives at Carthage, where he finds Aeneas managing the construction of the city.
Hic primum paribus nitens Cyllenius alis
252
constitit; hinc toto praeceps se corpore ad undas
253
misit, avi similis, quae circum litora, circum
254
piscosos scopulos humilis volat aequora iuxta.
255
Haud aliter terras inter caelumque volabat,
256
litus harenosum ad Libyae ventosque secabat
257
materno veniens ab avo Cyllenia proles.
258
Ut primum alatis tetigit magalia plantis,
259
Aenean fundantem arces ac tecta novantem
260
conspicit; atque illi stellatus iaspide fulva
261
ensis erat Tyrioque ardebat murice laena
262
demissa ex umeris, dives quae munera Dido
263
fecerat, et tenui telas discreverat auro.
264