Omnibus idem animus, scelerata excedere terra,
60
linqui pollutum hospitium, et dare classibus austros.
61
Ergo instauramus Polydoro funus, et ingens
62
aggeritur tumulo tellus; stant Manibus arae,
63
caeruleis maestae vittis atraque cupresso,
64
et circum Iliades crinem de more solutae;
65
inferimus tepido spumantia cymbia lacte
66
sanguinis et sacri pateras, animamque sepulchro
67
condimus, et magna supremum voce ciemus.
68