Book 3.403-419
Helenus continues. When Aeneas has crossed the sea, he should perform sacrifices to the gods.
Quin, ubi transmissae steterint trans aequora classes,
403
et positis aris iam vota in litore solves,
404
purpureo velare comas adopertus amictu,
405
ne qua inter sanctos ignis in honore deorum
406
hostilis facies occurrat et omina turbet.
407
Hunc socii morem sacrorum, hunc ipse teneto:
408
hac casti maneant in religione nepotes.
409
Ast ubi digressum Siculae te admoverit orae
410
ventus, et angusti rarescent claustra Pelori,
411
laeva tibi tellus et longo laeva petantur
412
aequora circuitu: dextrum fuge litus et undas.
413
Haec loca vi quondam et vasta convolsa ruina –
414
tantum aevi longinqua valet mutare vetustas –
415
dissiluisse ferunt, cum protinus utraque tellus
416
una foret; venit medio vi pontus et undis
417
Hesperium Siculo latus abscidit, arvaque et urbes
418
litore diductas angusto interluit aestu.
419