“Nate dea, – nam te maioribus ire per altum
374
auspiciis manifesta fides: sic fata deum rex
375
sortitur, volvitque vices; is vertitur ordo –
376
pauca tibi e multis, quo tutior hospita lustres
377
aequora et Ausonio possis considere portu,
378
expediam dictis; prohibent nam cetera Parcae
379
scire Helenum farique vetat Saturnia Iuno.
380
Principio Italiam, quam tu iam rere propinquam
381
vicinosque, ignare, paras invadere portus,
382
longa procul longis via dividit invia terris.
383
Ante et Trinacria lentandus remus in unda,
384
et salis Ausonii lustrandum navibus aequor,
385
infernique lacus, Aeaeaeque insula Circae,
386
quam tuta possis urbem componere terra:
387