Book 2.657-670
Aeneas responds to his father, Anchises. He despairs of their fate if they should stay in Troy.
“Mene efferre pedem, genitor, te posse relicto
657
sperasti, tantumque nefas patrio excidit ore?
658
Si nihil ex tanta Superis placet urbe relinqui,
659
et sedet hoc animo, perituraeque addere Troiae
660
teque tuosque iuvat, patet isti ianua leto,
661
iamque aderit multo Priami de sanguine Pyrrhus,
662
natum ante ora patris, patrem qui obtruncat ad aras.
663
Hoc erat, alma parens, quod me per tela, per ignis
664
eripis, ut mediis hostem in penetralibus, utque
665
Ascanium patremque meum iuxtaque Creusam
666
alterum in alterius mactatos sanguine cernam?
667
Arma, viri, ferte arma; vocat lux ultima victos.
668
Reddite me Danais; sinite instaurata revisam
669
proelia: Numquam omnes hodie moriemur inulti.”
670