Book 2.588-600
Venus appears to Aeneas and stays his hand. Helen is saved, and Aeneas is reminded of the dangers his family suffers.
Talia iactabam, et furiata mente ferebar:
588
cum mihi se, non ante oculis tam clara, videndam
589
obtulit et pura per noctem in luce refulsit
590
alma parens, confessa deam, qualisque videri
591
caelicolis et quanta solet, dextraque prehensum
592
continuit, roseoque haec insuper addidit ore:
593
“Nate, quis indomitas tantus dolor excitat iras?
594
Quid furis, aut quonam nostri tibi cura recessit?
595
Non prius aspicies, ubi fessum aetate parentem
596
liqueris Anchisen; superet coniunxne Creusa,
597
Ascaniusque puer? Quos omnes undique Graiae
598
circum errant acies, et, ni mea cura resistat,
599
iam flammae tulerint inimicus et hauserit ensis.
600