Forsitan et Priami fuerint quae fata requiras.
506
Urbis uti captae casum convolsaque vidit
507
limina tectorum et medium in penetralibus hostem,
508
arma diu senior desueta trementibus aevo
509
circumdat nequiquam umeris, et inutile ferrum
510
cingitur, ac densos fertur moriturus in hostis.
511
Aedibus in mediis nudoque sub aetheris axe
512
ingens ara fuit iuxtaque veterrima laurus,
513
incumbens arae atque umbra complexa Penatis.
514