Book 2.199-211
While Laocoon is sacrificing a bull, two snakes come from Tenedos and head for the beach.
Hic aliud maius miseris multoque tremendum
199
obicitur magis, atque improvida pectora turbat.
200
Laocoon, ductus Neptuno sorte sacerdos,
201
sollemnes taurum ingentem mactabat ad aras.
202
Ecce autem gemini a Tenedo tranquilla per alta –
203
horresco referens – immensis orbibus angues
204
incumbunt pelago, pariterque ad litora tendunt;
205
pectora quorum inter fluctus arrecta iubaeque
206
sanguineae superant undas; pars cetera pontum
207
pone legit, sinuatque immensa volumine terga.
208
Fit sonitus spumante salo; iamque arva tenebant,
209
ardentisque oculos suffecti sanguine et igni,
210
sibila lambebant linguis vibrantibus ora.
211