Book 11.89-99
The grieving continues as the funeral procession advances into the distance. Aeneas returns to the camp.
Post bellator equus positis insignibus Aethon
89
it lacrimans guttisque umectat grandibus ora.
90
Hastam alii galeamque ferunt, nam cetera Turnus
91
victor habet. Tum maesta phalanx Teucrique sequuntur
92
Tyrrhenique omnes et versis Arcades armis.
93
Postquam omnis longe comitum praecesserat ordo,
94
substitit Aeneas gemituque haec addidit alto:
95
“Nos alias hinc ad lacrimas eadem horrida belli
96
fata vocant: salve aeternum mihi, maxime Palla,
97
aeternumque vale.” Nec plura effatus ad altos
98
tendebat muros gressumque in castra ferebat.
99