“Quis metus, O numquam dolituri, O semper inertes
732
Tyrrheni, quae tanta animis ignavia venit?
733
Femina palantis agit atque haec agmina vertit!
734
Quo ferrum quidve haec gerimus tela inrita dextris?
735
At non in Venerem segnes nocturnaque bella
736
aut ubi curva choros indixit tibia Bacchi,
737
exspectate dapes et plenae pocula mensae,
738
hic amor, hoc studium, dum sacra secundus haruspex
739
nuntiet ac lucos vocet hostia pinguis in altos!”
740