Book 11.712-724
With Camilla on foot, the son of Aunus speeds off on his horse. Camilla runs him down and kills him.
At iuvenis, vicisse dolo ratus, avolat ipse,
712
haud mora, conversisque fugax aufertur habenis
713
quadrupedemque citum ferrata calce fatigat.
714
“Vane Ligus frustraque animis elate superbis,
715
nequiquam patrias temptasti lubricus artis,
716
nec fraus te incolumem fallaci perferet Auno.”
717
haec fatur virgo et pernicibus ignea plantis
718
transit equum cursu frenisque adversa prehensis
719
congreditur poenasque inimico ex sanguine sumit:
720
quam facile accipiter saxo sacer ales ab alto
721
consequitur pennis sublimem in nube columbam
722
comprensamque tenet pedibusque eviscerat uncis;
723
tum cruor et vulsae labuntur ab aethere plumae.
724
© 2025 LatinTutorial, LLC Privacy Policy Terms of Service