Book 11.507-521
Turnus thanks Camilla for her assistance, and suggests that she attack the Etruscan cavalry while he waits in ambush for Aeneas.
Turnus ad haec, oculos horrenda in virgine fixus:
507
“O decus Italiae virgo, quas dicere grates
508
quasve referre parem? Sed nunc, est omnia quando
509
iste animus supra, mecum partire laborem.
510
Aeneas, ut fama fidem missique reportant
511
exploratores, equitum levia improbus arma
512
praemisit, quaterent campos; ipse ardua montis
513
per deserta iugo superans adventat ad urbem.
514
Furta paro belli convexo in tramite silvae?
515
ut bivias armato obsidam milite fauces.
516
Tu Tyrrhenum equitem conlatis excipe signis;
517
tecum acer Messapus erit turmaeque Latinae
518
Tiburtique manus, ducis et tu concipe curam.”
519
Sic ait, et paribus Messapum in proelia dictis
520
hortatur sociosque duces et pergit in hostem.
521