Book 11.343-356
Drances suggests Latinus give his daughter Lavinia to Aeneas to solidify the peace treaty with the Trojans.
“Rem nulli obscuram nostrae nec vocis egentem
343
consulis, O bone rex: cuncti se scire fatentur,
344
quid fortuna ferat populi, sed dicere mussant.
345
Det libertatem fandi flatusque remittat
346
cuius ob auspicium infaustum moresque sinistros
347
(dicam equidem, licet arma mihi mortemque minetur)
348
lumina tot cecidisse ducum totamque videmus
349
consedisse urbem luctu, dum Troia temptat
350
castra fugae fidens et caelum territat armis.
351
Unum etiam donis istis, quae plurima mitti
352
Dardanidis dicique iubes, unum, optime regum,
353
adicias nec te ullius violentia vincat,
354
quin natam egregio genero dignisque hymenaeis
355
des, pater, et pacem hanc aeterno foedere iungas.
356