Book 11.122-132
Drances praises Aeneas and wants to ally Aeneas with Latinus against Turnus.
Tum senior semperque odiis et crimine Drances
122
infensus iuveni Turno sic ore vicissim
123
orsa refert: “O fama ingens, ingentior armis
124
vir Troiane, quibus caelo te laudibus aequem?
125
Iustitiaene prius mirer belline laborum?
126
Nos vero haec patriam grati referemus ad urbem
127
et te, si qua viam dederit fortuna, Latino
128
iungemus regi: quaerat sibi foedera Turnus.
129
Quin et fatalis murorum attollere moles
130
saxaque subvectare umeris Troiana iuvabit.”
131
Dixerat haec, unoque omnes eadem ore fremebant.
132