Book 1.81-101
The storm comes and the Trojans in their ships face ultimate doom. Then we meet Aeneas, and he gives a speech recalling the misfortunes of the Trojan War.
Haec ubi dicta, cavum conversa cuspide montem
81
impulit in latus: ac venti, velut agmine facto,
82
qua data porta, ruunt et terras turbine perflant.
83
Incubuere mari, totumque a sedibus imis
84
una Eurusque Notusque ruunt creberque procellis
85
Africus, et vastos volvunt ad litora fluctus.
86
Insequitur clamorque virum stridorque rudentum.
87
Eripiunt subito nubes caelumque diemque
88
Teucrorum ex oculis; ponto nox incubat atra.
89
Intonuere poli, et crebris micat ignibus aether,
90
praesentemque viris intentant omnia mortem.
91
Extemplo Aeneae solvuntur frigore membra:
92
ingemit, et duplicis tendens ad sidera palmas
93
talia voce refert: “O terque quaterque beati,
94
quis ante ora patrum Troiae sub moenibus altis
95
contigit oppetere! O Danaum fortissime gentis
96
Tydide! Mene Iliacis occumbere campis
97
non potuisse, tuaque animam hanc effundere dextra,
98
saevus ubi Aeacidae telo iacet Hector, ubi ingens
99
Sarpedon, ubi tot Simois correpta sub undis
100
scuta virum galeasque et fortia corpora volvit?”
101