Book 1.695-706
Cupid arrives in Carthage with the rest of the Trojans and the feast begins.
Iamque ibat dicto parens et dona Cupido
695
regia portabat Tyriis, duce laetus Achate.
696
Cum venit, aulaeis iam se regina superbis
697
aurea composuit sponda mediamque locavit.
698
Iam pater Aeneas et iam Troiana iuventus
699
conveniunt, stratoque super discumbitur ostro.
700
Dant famuli manibus lymphas, Cereremque canistris
701
expediunt, tonsisque ferunt mantelia villis.
702
Quinquaginta intus famulae, quibus ordine longam
703
cura penum struere, et flammis adolere Penatis;
704
centum aliae totidemque pares aetate ministri,
705
qui dapibus mensas onerent et pocula ponant.
706