Book 1.544-560
Ilioneus concludes his speech, stating that the remaining Trojans would head for Italy or Sicily.
Rex erat Aeneas nobis, quo iustior alter,
544
nec pietate fuit, nec bello maior et armis.
545
Quem si fata virum servant, si vescitur aura
546
aetheria, neque adhuc crudelibus occubat umbris,
547
non metus; officio nec te certasse priorem
548
paeniteat. Sunt et Siculis regionibus urbes
549
armaque, Troianoque a sanguine clarus Acestes.
550
Quassatam ventis liceat subducere classem,
551
et silvis aptare trabes et stringere remos:
552
si datur Italiam, sociis et rege recepto,
553
tendere, ut Italiam laeti Latiumque petamus;
554
sin absumpta salus, et te, pater optime Teucrum,
555
pontus habet Libyae, nec spes iam restat Iuli,
556
at freta Sicaniae saltem sedesque paratas,
557
unde huc advecti, regemque petamus Acesten.”
558
Talibus Ilioneus; cuncti simul ore fremebant
559
Dardanidae.
560