Book 1.509-519
Aeneas sees some of his Trojan comrades from the twelve lost ships arrive.
cum subito Aeneas concursu accedere magno
509
Anthea Sergestumque videt fortemque Cloanthum,
510
Teucrorumque alios, ater quos aequore turbo
511
dispulerat penitusque alias avexerat oras.
512
Obstipuit simul ipse simul percussus Achates
513
laetitiaque metuque; avidi coniungere dextras
514
ardebant; sed res animos incognita turbat.
515
Dissimulant, et nube cava speculantur amicti,
516
quae fortuna viris, classem quo litore linquant,
517
quid veniant; cunctis nam lecti navibus ibant,
518
orantes veniam, et templum clamore petebant.
519