Book 1.466-478
On the mural of the Trojan War, triumphs of Diomedes and Achilles are shown.
Namque videbat, uti bellantes Pergama circum
466
hac fugerent Graii, premeret Troiana iuventus,
467
hac Phryges, instaret curru cristatus Achilles.
468
Nec procul hinc Rhesi niveis tentoria velis
469
adgnoscit lacrimans, primo quae prodita somno
470
Tydides multa vastabat caede cruentus,
471
ardentisque avertit equos in castra, prius quam
472
pabula gustassent Troiae Xanthumque bibissent.
473
Parte alia fugiens amissis Troilus armis,
474
infelix puer atque impar congressus Achilli,
475
fertur equis, curruque haeret resupinus inani,
476
lora tenens tamen; huic cervixque comaeque trahuntur
477
per terram, et versa pulvis inscribitur hasta.
478