Book 1.418-429
Aeneas and Achates arrive in Carthage and are amazed at the growth of the city.
Corripuere viam interea, qua semita monstrat.
418
Iamque ascendebant collem, qui plurimus urbi
419
imminet, adversasque adspectat desuper arces.
420
Miratur molem Aeneas, magalia quondam,
421
miratur portas strepitumque et strata viarum.
422
Instant ardentes Tyrii pars ducere muros,
423
molirique arcem et manibus subvolvere saxa,
424
pars optare locum tecto et concludere sulco.
425
Iura magistratusque legunt sanctumque senatum;
426
hic portus alii effodiunt; hic alta theatris
427
fundamenta locant alii, immanesque columnas
428
rupibus excidunt, scaenis decora alta futuris.
429