Book 1.12-22
We learn about Carthage, Rome's future adversary and Juno's favorite city.
Urbs antiqua fuit, Tyrii tenuere coloni,
12
Karthago, Italiam contra Tiberinaque longe
13
ostia, dives opum studiisque asperrima belli;
14
quam Iuno fertur terris magis omnibus unam
15
posthabita coluisse Samo; hic illius arma,
16
hic currus fuit; hoc regnum dea gentibus esse,
17
si qua fata sinant, iam tum tenditque fovetque.
18
Progeniem sed enim Troiano a sanguine duci
19
audierat, Tyrias olim quae verteret arces;
20
hinc populum late regem belloque superbum
21
venturum excidio Libyae: sic volvere Parcas.
22